Kryetari i Partisë së Lirisë, Ilir Meta tha se ligji për legalizimin e kanabisit që u miratua dje në Kuvend është një ligj i kritikuar nga të gjithë. Sipas tij, ky ligj është paralajmëruar se dëmton të ardhmen e vendit.
Meta iu referua disa raporteve ndërkombëtare, që thonë se Shqipëria është shndërruar në qendër të trafikut të drogës.
Sipas tij, institucionet për të monitoruar dhe kontrolluar kultivimin e kanabisit janë të komprometuara.
Ai tha se Rama me vetëdije të plotë mbajti premtimin që iu bëri narkotrafikantëve për shërbimet që iu bë në zgjedhjet e fundit.
“Dua të denoncoj aktet e turpshme të mazhorancës dje në Kuvend me rastin edhe të mbylljes së punimeve të këtij sesioni, të cilat mbylli në mënyrën më të denjë sa i takon kapjes së shtetit dhe mënyrën më të dëmshme për qytetarët shqiptarë dhe për shtetin e së drejtës.
Dje pas mesnate në errësirë kuvendi miratoi ligjin e legalizimit të kanabisit, një ligj i kritikuar nga të gjithë dhe i paralajmëruar se do dëmtojë të ardhmen e vendit, i cili ka institucione të dëmtuara dhe të komprometuara për të kontrolluar zbatimin e një ligji kaq delikat, që ka dështuar edhe në vende me shtet të së drejtës më funksional se Shqipëria, aq më tepër kur është e qartë se të gjitha raportet ndërkombëtare e nxijnë vendin tonë si një vend që është shndërruar në qendër të trafikut të drogës. Duam të theksojmë se Rama me vetëdije të plotë mbajti premtimin që iu bëri narkotrafikantëve për shërbimet që iu bë në zgjedhjet e fundit”, tha Meta.
Discussion about this post