Eksperti i ekonomisë Zef Preçi, në studion e emisionit “Open” tha se legalizimi i kanabisit për qëllime mjekësore nuk i sjell asnjë përfitim ekonomisë shqiptare.
Madje, Preçi tha se projektligji është si një koncension që Qeveria i bën grupeve kriminale, që deri më sot janë marrë me kanabisin.
“Këtu është e zgjidhur pjesa e farave, kultivimit, korrjes, madje edhe përpunimi. E vetmja gjë që nuk është e zgjidhur është transporti legal”, tha Preçi.
Sipas tij, drafti i paraqitur thotë se duhet pasur një capital 3 mln euro, shumë kjo që e ka edhe ndërtuesi më fundor në Shqipëri, por nuk parashikohet asgjë tjetër, as numri i punëtorëve, as kualifikimet, as çfarë fiton ekonomia.
Preçi u shpreh se Shqipëria nuk i ka kushtet për të kontrolluar një veprimtari të tillë, pasi institucionet tona nuk janë në gjendje sot të garantojnë nëse ato ushqimet që tregtohen janë apo jo sipas parametrave, ai mishi është apo jo sipas parametrave, dhe jo më të sigurojë kontrollin.
“Në Europën Perëndimore nga kjo veprimtari janë 550 mln euro, Nga 1 gushti i 2022, Zvicra ka legjitimuar kanabisin për qëllime mjekësorë, janë të punësuar 44 mijë persona dhe kjo veprimtari zë vetëm 0.06 % të GDP”, tha Preçi.
Discussion about this post