Deputeti i LSI Petrit Vasili ka komentuar sot pyetësorin e Këshillimit Kombëtar të qeverisë. Sipas Vasilit shumë pyetje nuk kanë asnjë vlerë dhe janë në shkelje të ligjit. Madje ai theksoi se pyetja për legalizimin e kanabisit është tërësisht pa baza ligjore dhe nuk ka asnjë sens. Sipas Vasilit, do të ishte abuzim nëse qeveria përdor këto pyetësorë për të legalizuar kanabisin në një vend si Shqipëria.
“Rama vetëm nga populli ka frikë. Ky vetëm një gjë nuk do nuk do të merret me popullin. Këto anketime që bën Rama ka 0 vlerë kushtetuese. Kanë zero absolute. Pse ka frikë Rama t’i drejtohet populli? A thotë ky se ne jemi shumica e popullit? Unë jam i zhgënjyer me Ramën që ka nxjerrë 361%, prisja ta nxirrte 91%. Ky duhet ta mbajë 91%. Ai është përqindja me të cilin ka votuar”, tha ai.
Referuar akuzave të fundit të bëra nga Rama ndaj Berishës të cilin e akuzoi për korrupsion, Vasili tha se kryeministri në këto 9 vite në pushtet nuk ka përgatitur dosje për të, prandaj edhe nuk duhet të llomotisë më nëpër media.
Discussion about this post