Shumë pasime e më pak agresion në sulm. Kështu e përshkruan “legjenda” e mesfushës gjermane, Bastian Schweinsteiger situatën e vështirë që po kalojnë Kombëtarja e Gjermanisë, si dhe “bavarezët” e Bayern Munich.
Sipas, ish-futbollistit, “faji” për krizën që po përjeton sot futbollit gjerman, vjen nga tekniku Josep Guardiola dhe nga mënyra e futbollit, që ai zgjodhi të përdorte me skuadrën e Bayernit, në kohën kur u emërua teknik i rekordmenëve gjermanë.
“Kur ai mbërriti në Gjermani, të gjithë filluan të luanin këtë lloj futbolli, të përbërë nga pasime të shkurtra. Në fund kjo çoi në humbjen e vlerave tona. Skuadrat e tjera na kanë konsideruar gjithmonë një ekip luftarak, që vrapojmë deri në fund.
Ne e kemi humbur atë virtyt gjatë shtatë apo tetë viteve të fundit sepse thjesht e kemi harruar. Ne ishim më të fokusuar në kalimin e topit bukur”,- u shpreh tepër kritik në fjalët e tij, “legjenda” e mesfushës gjermane.
Discussion about this post