Ish-futbollisti i Manchester United, Dimitar Berbatov ka theksuar se Cristiano Ronaldo nuk e ka surprizuar aspak me tre golat e shënuara në dy ndeshje. Sipas tij, Cristiano ka shumë cilësi por trajneri Solskjaer do ta ketë të vështirë të menaxhojë skuadrën pasi shumë yje do të qëndrojnë jasht.
“Dy ndeshje, tre gola për Cristiano Ronaldon. Nuk jam i befasuar nga ndikimi që ai ka pasur tek United dhe do të përmirësohet edhe më shumë gjatë sezonit. Askush nuk mund ta vërë në dyshim aftësinë e tij për të shënuar dhe atë që i sjell ekipit.
E mirëpritën në Manxhester dhe ua ktheu me dy gola. Tani do të jetë interesante se si Solskjaer do të ruajë ekuilibrat në dhomat e zhveshjes. Ai do të duhet të vendosë se si do të përdorë lojtarë si Cavani dhe Martial. Tani bëhet e vështirë të menaxhosh një ekip.
Cavani ndoshta nuk është i kënaqur. Ai bëri një sezon të parë të mirë, por tani ai e ka humbur rëndësinë në ekip dhe fanellën me numrin 7. Shpresoj që Ole të ketë një bisedë të sinqertë me të.
Roli i trajnerit është të zgjedhë më të mirët, por lojtarët duan të luajnë dhe nuk janë të lumtur kur nuk përzgjidhen”.
