Legjenda e skuadrës së Partizanit, Ledio Pano ka analizuar vigjiljen e derbit të kryeqytetit. Në fjalën e tij ai ka evidentuar problematikat e të kuqve ndërsa ka theksuar se Partizani ka mundësi të fitojë ndeshjen edhe pse mungesat do të rëndojnë shumë tek skuadra e trajnerit Ilir Daja.
“Derbi më kryesor i kampionatit është ky i ditës së hënë, janë dy ekipe që kanë vlera. Është folur pas rezultateve zhgënjyese për Dajën. Nuk është e mirë të flasim për Ilir Dajën sepse e dimë se çfarë trajneri është. Jam pak skeptik për te Partizani, mendoja se mund të eci më tepër, por lojtarëve duhet t’i japësh kohën e tyre. Me këto ndeshje që kam parë Partizani duhet të ishte pak më mirë, ekipi do pak kohë që të stabilizohet. Përderisa Tirana është në krye ka diçka më shumë.
Si Xhixha dhe Ngo janë lojtarë goli, Xhixha ka dhënë shumë te Laçi. Puna më e madhe që kanë dhënë te akademia po japin frytin e tyre si ekip. Dëshira është që të fitojë Partizani, por në momentin aktual të dy ekipet nuk është se kanë dhënë një vlerë të jashtëzakonshme, por them te Partizani ose barazimi edhe pse kanë mungesa të rëndësishme”, theksoi Pano.
