Një legjendë e Manchester United ka përfunduar në telashe për disa komente të bëra në vitin 2019 gjatë një takimi tyë UEFA Champions League. Fjala është për Patrice Evra, futbollisti një herë kampion i Europës në vitin 2008.
Komentet në ndeshjen e Champions League mes PSG dhe Manchester United në vitin 2019 i kushtojnë shtrenjtë ish-futbollistit, Patrice Evra. Ky i fundit ishte duke ndjekur ndeshjen në tribunat e “Parc Des Princes” dhe pas kualifikimit të “Djajve të Kuq” nisi festën duke ofenduar PSG, por duke përdorur një gjuhë të cilësuar si homofobike.
“PSG ju jeni pede…, këtu ka burra”, ishte kori i frymëzuar nga Evra që detyroi dy organizata mbrojtëse të të drejtave të personave LGBTQ+ të padisnin ish-mbrojtësin. Kështu, së fundmi gjykata tribunale e Parisit e shpalli fajtor zotin Evra dhe tashmë francezi duhet t’i paguajë 1.000 euro organizatave përkatëse.
Një shumë më shumë simbolike dhe për të ndërgjegjësuar veprimet e një personazhi publik që duhet të japë një shembull ndryshe me Evra që e ka pranuar gjobën.
Discussion about this post