Legjenda gjermane: Shqipëria ka ekip plot me cilësi, do e shqetësojnë edhe Spanjën

Trajnieri gjerman Jurgen Klinsmani ka komentuar paraqitjen e futbollistëve të kombëtares shqiptare duke i përkufizuar e janë në frormë të shkëlqyer.

Ai e ka vlerësuar pozitive performancën e tyre në EURO 2024.

Në një lidhje të drejtpërdrejtë për “ESPN”-në, trajneri gjerman ka thënë se kuqezinjtë kanë një ekip plot me cilësi. Gjithashtu ka shtuar se Shqipëria mund të shqetësojë lojtarët e Spanjës pasi edhe pse kanë mungesë të emrave të mëdhenj ka goxha cilësi për t’u ndeshur me ekipin kundërshtar.

“Ky është grupi i vdekjes, me Spanjën, Italinë dhe Kroacinë, dhe Shqipëria ka një ekip plot me cilësi. Shumica e lojtarëve luajnë në Serinë A, në Itali, dhe vërtetë që mund t’ju shqetësojnë. Këtë janë duke bërë.

Shqetësuan shumë Italinë dhe tani shqetësuan Kroacinë. Kështu do të bëjnë edhe në ndeshjen e fundit me Spanjën. Është një ekip i mirë. Nuk ka një emër të madh ose lojtarë me emra të mëdhenj, por kanë cilësi. Kështu që nuk u befasova shumë”, tha Jurgen Klinsmani.