Legjenda e futbollit polak, Zibi Boniek ka theksuar se ai mund të marr në të ardhmen një rol drejtuesi tek skuadra e Romës. Polaku ka luajtur me verdhekuqtë për tre sezone ku ka shënuar edhe 23 gola.
“Tani jam zv.president i UEFA-s, por është një detyrë që nuk më pengon të kem angazhime të tjera. Jam takuar me Friedkin dhe nëse një ditë u duhem, mund të flasim. Unë nuk jam nga ata që propozoj, në moshën 65 vjeç jam mirë kështu”, ishin fjalët e legjendës.
Presidenti amerikan Friedkin ka filluar një cikël të ri nën drejtimin e verdhekuqve. Projekti ka nisur me uljen në stol të trajnerit Jose Murinjo teksa objektivat e skuadrës janë rritur që në momentin që manjati i makinave mori drejtimin e Romës.
