Pas pushimit të kampionateve europiane për shkak të ndeshjeve kualifikuese të Botërorit ‘Katar 2022’, janë rikthyer kampionatet vendase. Sot do të luhen një sërë ndeshjes, teksa interesi i të gjithë shqiptarëve do të jetë te skuadra ku luajnë legjionarët.
Ekipi i yllit të Kombëtares ‘Kuqezi’, Armando Brojas, Southampton do të ndeshet në orën 16:00 me skuadrën e Leeds për javën e tetë të Premier League. Sulmuesi pati një performancë shumë të mirë me përfaqësuesen në sfidat e tetorit dhe ndaj pritet që t’i jepen goxha minuta sot. Pas raundit të shtatë Southampton renditet në vend të 17 me vetëm 4 pikë, ndërsa Leeds në vend të 16 me 6 pikë.
Xherdan Shaqiri pritet të jetë pjesë e formacionit startues të ndeshjes së Lyonit me Monacon, që do të luhet sonte në mbrëmje në orën 21:00. Mesfushori e ka treguar se di të jetë një element i rëndësishëm në skuadrën e francezëve, ndaj deri më tani ka marrë goxha minuta. Në ndeshjen e raundit të 10-ë ekipi i shqiptarit renditet në vend të 10-ë me 13 pikë, ndërsa Monaco në vend të 6-ë me vetëm një pikë më shumë, pra 14.
Gjatë kualifikueseve të fundit Frederik Veseli mundi që të kishte goxha minuta në dispozicion me Kombëtaren dhe bëri një performancë të mirë, gjë e cila duhet të ketë rënë në sy të Salernitanas, skuadrës së mbrojtësit ‘Kuqezi’. Skuadra e Veselit do të përballet me Spezian për javën e tetë të Serisë A, teksa aktualisht këto ekipe rrezikojnë rrëzimin nga kategoria, pasi renditen ekipi i shqiptarit në vend të 18 dhe kundërshtarët e kësaj sfide në vend të 19 me nga 4 pikë secili.
Lazio i Thomas Strakoshës, Elseid Hysajt dhe Vedat Muriqit do të ketë një sfidë shumë të vështirë në raundin e tetë të elitës së futbollit italian. Lazio do të ndeshet me Interin në orën 18:00 ndërsa nuk dihet a do jetë prezenca e ndonjërit prej shqiptarëve. Strakosha nuk pati asnjë minutë aktivizimi me Kombëtaren dhe kjo ka ndikimin e vet edhe te klubi ‘Bardhekaltër’, i cili prej shumë kohës e mban në stol. Hysaj nga ana tjetër bëri një gafë të pafalshme me ‘Kuqezinjtë’, duke shkaktuar humbjen e përfaqësueses ndaj Polonisë, gjë e cila është parë dhe nga trajneri Sarri.
Ndërsa Vedat Muriqi nga ana tjetër ka më shumë mundësi për të qenë pjesë e formacionit të sotëm, pasi ende nuk dihet a di jetë në gjendje të aktivizohet Ciro Immobile, i cili ka qenë i dëmtuar, plus performanca e dardanit me Kombëtaren e Kosovës ishte shumë e mirë. Lazio vjen në këtë sfidë duke u renditur në vend të 6 me 11 pikë, teksa Inter qëndron i 3 me 17 pikë.
Në La Liga po ashtu do të ndjekim ndeshje shqiptarësh. Levante e Shkodran Mustafit do të përballet me Getafen në orën 18:30 në takimin e vlefshëm për javën e 9 të kampionatit spanjoll. Teksa pritet që shqiptari të jetë pjesë e kësaj ndeshje, ekipit të tij i duhet me patjetër të marrë 3 pikët, pasi renditet në pozicionin e 18 me vetëm 4 pikë, ndërsa duken pak të avantazhuar sepse kundërshtarët e tyre janë të fundit në tabelë me vetëm një pikë./K.T/Gijotina.com
