Ditën e sotme do të luhen shumë ndeshje në kampionatet kryesore europiane dhe ndër to edhe skuadrat e lojtarëve shqiptarë.
Në Premier League do të luhen dy ndeshje në orën 15:00 Southampton i Armando Brojës do të presë Wolves për javën e gjashtë të kampionatit, ndërsa pritet që ylli kuqezi të jetë pjesë e formacionit startues.
Ndërsa në orën 17:30 Arsenali i Granit Xhakës do të përballët me ekipin e Tottenham, ndërsa ende nuk dihet a do luajë kapiteni i Zvicrës në këtë sfidë.
Në Ligue 1 në orën 15:00 Reims i Valon Berishës dhe Arbër Zenelit do të përballen me skuadrën e Nantes për javën e tetë të kampionatit francez, në një sfidë që nuk pritet të jetë aspak e thjeshtë për skuadrën e shqiptarëve. Teksa pritet që Valon Berisha të ketë pozicion titullari, ndërsa për Arbër Zenelin nuk dihet a do i jepen minuta në këtë sfidë.
Seria A nga ana tjetër do të sjellë ditën e sotme pesë skuadra ku luajnë legjionarët shqiptarë. Empoli i Nedim Bajramit, Kristjan Asllanit, Adrian Ismajlit dhe Saimir Ujkanit do të përballet sot në orën 15:00 me Bolognën. Teksa vetëm Bajrami pritet të luajë që nga minuta e parë e kësaj sfide.
Salernitana e Frederik Veselit do të luajë sot me Sassuolon në orën 15:00 në kuadër të javës së gjashtë të elitës së futbollit italian.
Ndërkohë në orën 18:00 do të kemi derbi shqiptarësh në Seria A ku Lazio i Elseid Hysajt dhe Thomas Strakoshës do të ndeshet me Romën e Marash Kumbullës, teksa emri më i diskutuar është ai i gardianit kuqezi, i cili nuk dihet a do të aktivizohet për shkak të rezultateve shumë zhgënjyese të ndeshjeve të fundit, si gafa në ndeshjen e Europa League.
Napoli i Amir Rrahmanit do të përballet në orën 20:45 me Cagliarin, në një takim ku ekipi i shqiptarit është shumë i favorizuar me rezultatet e deritanishme.
Ndërsa në La Liga Levante e Shkodran Mustafit dhe Enis Bardhit do të ndeshet në transfertë me Barcelonën.
Ndonëse Barça ka një emër të frikshëm rezultatet e këtij sezoni të tyre tregojnë krejt të kundërtën dhe pritet që ekipi i shqiptarëve të shfaqë rezultate pozitive, ndonëse në gjashtë javë kanë grumbulluar vetëm 4 pikë.
Ndërsa në orën 18:30 Real Sociedad i Keidi Bares do përballet me skuadrën e Elche. Ekipi i shqiptarit renditet në vendin e katërt të La Ligas me 13 pikë, ndërsa kundërshtarët e tyre në vend të 14 me 6 pikë, rezultatet të cilat duket se e favorizojnë Real Sociedadin në këtë sfidë. Bare ka luajtur mirë dhe pritet të jetë pjesë e formacionit startues të kësaj ndeshje./K.T/Gijotina.com
