Belgjika i shtohet listës së shteteve që pritet të rikthejë kufizimet e koronavirusit të premten, vetëm disa javë pas lehtësimit të masave, për shkak të rasteve në rritje dhe shtrimeve në spital. Rregullat përfshijnë mbajtjen e maskave për fytyrën në vende publike dhe maska të detyrueshme për stafin në bare, restorante dhe klube fitnesi. Për të hyrë në këto ambiente do të kërkohet edhe certifikatë vaksinimi ose test negativ për Covid.
“Që nga e premtja, do të mbahen maska në vende publike dhe ato do të jenë të detyrueshme për stafin e bareve, restoranteve dhe klubeve të fitnesit. Ne duhet të ngremë muret tona të mbrojtjes,” tha kryeministri Alexander De Croo.
Associated Press raportoi se infeksionet ditore janë rritur me 75% në javën e fundit me 5299 raste. Shtrimet në spital janë rritur me 69% në 102 raste ditore ndërsa dhe vdekjet janë rritur krahasuar me disa ditë më parë.
