Kanë mbaruar ndeshjet e ditës së sotme në Champions League, teksa kjo mbrëmje rezervoi jo pak surpriza.
Juventusi i ka dhënë “lamtumirë” fazës me eleminim direkt në këtë kompeticion, pasi është mposhtur nga Benfica me shifrat 4-3. Lum golash, por në fund ajo që buzëqesh është Benfica e cila ka kuotë të njëjtë pikësh me PSG në grupin H me nga 11 pikë.
Për skuadrën portugeze kanë shënuar Silva, Joao Mario, Rafa Silva dopietë, ndërsa për “Zonjën e Vjetër” shënuan Kean, Milik dhe McKennie të cilët nuk mjaftuan për t’i siguruar 3 pikët bardhezinjve.
Fitore ka siguruar edhe Leipzig i cili ka surprizuar teksa ka mposhtur kampionët në fuqi, Real Madrid me shifrat 3-1. Gvardiol, Nkunku, Werner do të bënin të pavlefshëm golin spektakolar të Vinicius dhe penalltinë e Rodrygo. “Los Blancos” mbajnë vendin e parë në grupin F me 10 pikë, ndërsa gjermanët i ndjekin me një pikë më pak.
Milan nga krahu tjetër është rikthyer te fitorja në Champions League, pas dy humbjeve radhazi, teksa mbrëmjen e sotme ka mposhtur me shifrat 4-0 Dinamo Zagreb. Për kuqezinjtë do të shënonin Gabbia, Leao, Giroud, ndërsa Ljubicic do të shënonte autogol. Meë këtë fitore skuadra italiane mban vendin e dytë në grupin E me 7 pikë, 3 më pak se Chelsea.
Ndërkohë PSG ka “shpartalluar” skuadrën e Maçabi, teksa e ka mposhtur thelle me shifrat 7-2. Messi dhe Mbappe kanë shënuar nga një dopietë, ndërsa Neymar dhe Soler do të shënon për pariciezët, teksa autogoli i Goldberg do të ishte i 7-ti, Për Maçabin shënoi Seck dopietë.
Manchester City nuk ka shkuar më shumë se barazimi 0-0 me Borussia Dortmund, ndërsa në barazim 1-1 përfundoi edhe përballja mes Celtic dhe Shakhatr Donest.
Discussion about this post