Leipzigu mposhti 3-1 Freiburgun, duke parakaluar Borussia Dortmund në renditje. Skuadra e Marco Rose kaloi në avantazh në minutën e gjashtë falë goditjes së saktë të Xavi Simons.
Minutat shtesë të së parë sollën barazimin. Me 21-vjeçarin Merlin Rohl që rikuperoi një top në gjysmëfushën e tij, marshoi drejt portës kundërshtare dhe shënoi një gol shumë të bukur.
Vendasit u rikthyen në avantazh në minutën e 78’, moment kur fituan një penallti. Lois Openda nuk gaboi nga pika e bardhë, ndërkohë që një minutë më vonë erdhi edhe goli i qetësisë.
Christoph Baumgartner tundi rrjetën e Freiburgut dhe nisi festën me shokët e skuadrës. Leipzigu është ngjitur në kuotën e 23 pikëve. 8 më pak se kruesuesit e Bayer Leverkusenit.
Discussion about this post