Nënkryetari i Partisë së Lirisë, Petrit Vasili ka komentuar vendimin e Këshillit Kombëtar të Territorit, që ka miratuar lejen e ndërtimit për një hotel dy katësh brenda në det, në zonën e Lungomares në Vlorë.
“Misioni i Ramës është shkatërrimi, betonizimi dhe kthimi në një konglomerat cimentoje dhe betonarmeje i Vlorës dhe i gjithë Shqiperisë.”, shkruan ndër të tjera Vasili.
Postimi:
SKANDALI. Rama jep leje për Hotel në mes të detit në Vlorë!
E pabesueshme, por e vërtetë
Këshilli i Rregullimit të Teritorit ka dhënë leje për hotel në det në Vlorë!!
Këshilli Kombëtar i Territorit ka miratuar lejen e ndërtimit për një hotël dy katësh brenda në det, në zonën e Lungomares në Vlorë.
Sipas Dokumentit të Rregullore së Veçantë, hoteli do të ngrihet mbi një pistë ekzistuese, që gjendet mes fushës së sportit dhe tunelit të Vlorës.
Ndërtesa me dy kate, në katin e parë do të ketë restorante dhe njësi shërbimi. Ndërsa kati i dytë i saj do të shërbejë si hotel.
Banditizmi i Edi Ramës nuk ka të ndalur.
Po ky Edi Ramë, që prishi një pallat se ishte afër detit në Vlore dhe për të cilin duhen paguar miliona euro pronarëve sot e jep lejen për hotel mu brenda në det.
Po ky Edi Ramë që hodhi ne erë Prestige Resort me hotel e me pishina afër detit sot e jep lejen e hotelit mu në mes të detit.
Ky Edi Rame që merr fadromën e bën shkatërrime në Ksamil e në bregdetin e Jonit e jep lejen për hotel në mes të detit.
Në vend se të prishte edhe një pistë betoni të shkatërruar dhe ta pastronte detin në Vlore ky vetëm hedh beton dhe shkatërrim.
Edi Ramën e telekomandojne dhe është në sherbim të çdo interesi të erret, që vjen erë të piset, por nuk është kurrë në krah të interesit të qytetareve të interesit publik dhe te mbrojtjes së natyres.
Misioni i Ramës është shkatërrimi, betonizimi dhe kthimi në një konglomerat cimentoje dhe betonarmeje i Vlorës dhe i gjithë Shqiperisë.
Nuk mjaftonte anijet, që prodhojnë energji me me naftë në Vlorë, nuk mjaftonte Aeroporti, që po shkatërron peisazhin natyror, por tani edhe detin nuk po e kursen e ndërton hotel.
Ky është Edi Betoni dhe korrupsioni, që është ulur në karrigen e kryeministrit, tamam si pirati që u bë papë.
Dhe ka surrat e flet ky për standart qeverisje!
Ky ka vetem standartin e mafias!
Discussion about this post