Policia arrestoi 32-vjeçarin Martin Arapi, me detyrë inspektor pranë IKMT Vlorë, përgjegjës për territorin e Bashkisë së Sarandës, pasi dyshohet se ka lejuar ndërtimet pa leje në territorin e kësaj njësie vendore.
Ndaj Arapit ishte vendosur masa e sigurisë arrest me burg për veprën penale “shpërdorim detyre”.
Ky shtetas akuzohet se ka shpërdoruar detyrën duke favorizuar dhe lejuar shtetas të ndryshëm, për të kryer ndërtime pa leje, në territorin e bashkisë Sarandë, kryesisht në zonën e Ksamilit.
Njoftimi nga Policia
Policia e Sarandës ka ekzekutuar masës e sigurisë “Arrest në burg”, për veprën penale “Shpërdorimi i detyrës”, për Martin Arapin, punonjës të IKMT Vlorë.
“Specialistët e Seksionit për Hetimin e Krimeve Ekonomike dhe Financiare, në bashkëpunim me shërbimet e Komisariatit të Policisë Sarandë, në vijim të operacionit policor të koduar “Mjegulla”, në kuadër të procedimit penal të regjistruar në Prokurorinë pranë Gjykatës së Shkallës së Parë të Juridisksionit të Përgjithshëm Sarandë, për veprën penale “Shpërdorimi i detyrës”, kanë ekzekutuar masën e sigurisë “Arrest në burg”, të caktuar nga Gjykata e Sarandës, më datë 20.10.2023, për shtetasin: -Martin Arapi, 32 vjeç, me detyrë inspektor i IKMT Vlorë (përgjegjës për territorin e bashkisë Sarandë)”, njofton policia.
Ky shtetas akuzohet se ka shpërdoruar detyrën duke favorizuar dhe lejuar shtetas të ndryshëm, për të kryer ndërtime pa leje, në territorin e bashkisë Sarandë, kryesisht në zonën e Ksamilit.
Materialet procedurale i kaluan Prokurorisë, për veprime të mëtejshme.
Discussion about this post