Policia e Dibrës ka proceduar penalisht tre persona pasi akuzohen për prerje të paligjshme të pyjeve dhe “Shpërdorim detyre”.
Sipas njoftimit, shërbimet e Komisariatit të Policisë Dibër, kanë ushtruar kontroll në fshatin Lunar, Selishtë, dhe si rezultat kanë proceduar penalisht shtetasin I. L., 29 vjeç, pasi kishte ngarkuar në automjetin e tij një sasi lëndë drusore pa dokumentacion përkatës, e të prera në mënyrë të paligjshme.
Gjithashtu, janë proceduar për “Shpërdorim Detyre”, SH., 54 vjeç dhe Sh.Ll., 30 vjeç, (Specialistë të Shërbimit Pyjor), pasi nuk kanë ushtruar kontrolle për mbrojtjen dhe menaxhimin e pyjeve në sektorin përkatës të njësisë Adminstrative Selishtë, duke lejuar që individë të kryejnë dëmtime të pyjeve në këtë zonë.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
