I maskuar me kapele e maske anti-COVID, autori i grabitjes së postës në Kamëz ka kërcënuar punonjësen me një armë lodër.
Autori mbante një çantë krahu në të cilën dyshohet se fshihte një armë tip pistolete dhe që sipas policisë dyshohet se është lodër.
“Lekët ose ju vrava,”- mësohet të ketë thënë autori, i cili më pas është futur në postë dhe i ka marrë punonjëses rreth 1 milion lekë të vjetra.
Ngjarja ndodhi këtë mesditë rreth orës 14:20 tek pika e Postës Shqiptare në Kamëz. Autori nuk është identifikuar ende pasi në momentin që është futur në postë, kishte kapuç.
Forcat e policisë kanë nisur krehjen e zonës dhe gjithashtu po këqyrin. Kamerat e sigurisë, për të bërë të mundur identifikimin dhe kapjen e autorit.
Discussion about this post