Lëkundje të tjera tërmeti janë ndjerë sërish mëngjesin e sotëm në Burrel. Mësohet se tërmeti ka pasur magnitudën 3.1 të shkallës Rihter.
Thellësia ka qenë 2 kilometra. Nga tërmeti i tanishëm nuk raportohen dëme në banesa.
Një tërmet me magnitudë 4.7 të shkallës Rihter, goditi mbrëmjen e së dielës Shqipërinë, rreth orës 22.45 minuta. Sipas të dhënave zyrtare epiqendra ka qenë 25 kilometra në verilindje, në zonën e Klosit, në Burrel. Pak minuta më pas u regjistrua dhe një pasgoditje me magnitudë 4.1.
Qendra Kombëtare Operacionale e Emergjencave Civile bëri të ditur se janë raportuar dëme të lehta në Njësinë Administrative Xibër, Bashkia Klos, në disa banesa ku ka pasur plasaritje të mureve. Gjatë natës janë regjistruar dhe pasgoditje të tjera.
Discussion about this post