Mëngjesin e sotëm, Bulqiza është zgjuar nga tërmete të njëpasnjëshme të cilat shkaktuan panik tek qytetarët. Një goditje me magnitudë 4.5 u shënua me epiqendër në Bulqizë, ndërsa u ndje edhe në Tiranë dhe në qytete të tjera të vendit.
Lëkundja ka shkaktuar jo pak frikë e panik te qytetarët, të cilët dolën jashtë banesave, teksa thonë se tërmeti ishte i fortë. Në një raportim për situatën, Emergjencat Civile bëjnë me dije se janë 14 banesa që kanë pësuar dëme.
Shogert Tolla, kryetari i njësisë administrative Zerqan tha se banorët kanë raportuar për dëme në banesat e tyre si çarje muresh, por nuk ka shtëpi të shembura. Raportimet për plasaritje të mureve kanë ardhur nga fshatrat Tërnovë e Madhe, Tërnovë e vogël të njësisë Zerqan.
Ndërkohë, që pas goditjes kryesore, asaj prej 4.5 ballë, janë regjistruar edhe disa lëkundje të tjera në Bulqizë, ku më forta 3.6 ballë.
Emergjencat Civile kanë bërë një raportim mbi situatën ku tregohet se 14 banesa kanë pësuar dëmtime. Sipas raportit, janë 5 banesa të dëmtuara në njësinë administrative Fushë-Bulqizë, 3 në njësinë administrative Gjoric, 3 në Shupenzë, 1 në Zerqan dhe 1 në Bulqizë. Emergjencat Civile theksojnë se situata po monitorohet nga afër.
