Lëndë narkotike në çantë, arrestohet kolumbiania në Rinas

Një vajzë 26 vjeçare nga Kolumbia është vënë në prangat e policisë shqiptare në momentin që po hynte në Shqipëri përmes Rinasit.

Gjatë kontrollit në vijën e dytë, në pikën e kalimit kufitar Rinas, asaj iu gjet në çantën e dorës, një sasi kanabis.

Njoftimi i Policisë

Specialistët për Hetimin e Narkotikëve arrestuan shtetasen C. J., 26 vjeçe, banuese në Kolumbi, pasi gjatë kontrollit në vijën e dytë, në pikën e kalimit kufitar Rinas, iu gjet në çantën e dorës, një sasi lënde e dyshuar narkotike kanabis, e cila u sekuestrua në cilësinë e provës materiale.