Lëndimi në minifazën përgatitore mund të rezultojë fatale për Thomas Mullerin. Edhe pse emri tij u lakua në media për një largim të mundshëm, bordi i kampionëve i hodhi poshtë këto zëra.
Megjithatë problemet fizike e mbajtën larg përgatitjeve në vigjilje të sezonit të ri. Pikërisht ky element mund të ndikojë te trajneri Thomas Tuchel që 33-vjeçari të shikohet si alternativë te Bayerni, ndryshe nga sa ka “aktruar” në etapat e shkuara, roli i protagonistit, jo vetëm në formacionin bazë, por edhe në spektrin e golave dhe asistimeve.
Një panoramë e tillë u evidentua edhe në javët e fundit të Bundesligës në ciklin 2022-2023, ndonëse u shuan në mënyrë të vrullshme nga brenda ekipit. Opsionet e shumta në fazën ofensive, bashkë me mbërritjen e mundshme të Kane, do t’i jepte më pak hapësira futbollisti me numër “25”.
Chupo-Motting, Mathis Thil, Serge Gnabry, Kingsley Coman e Leroy Sane janë disa nga alternativat permanente për t’i zënë vendin lojtarit më të vjetër në grupin aktual. Bashkëpunimi me bavarezët i skadon vitin e ardhshëm dhe aludimet mbi një kontratë të re mbeten “të vakëta”. Vetë Mulleri e ka shprehur se dëshiron të luajë edhe dy vjet të tjera me Bayern.
Discussion about this post