Milionat e Arabisë Saudite nuk mjaftojnë për të joshur Lionel Messin dhe duket qartë se ai nuk ka ndërmend të vazhdojë karrierën në atë vend. Me këtë hipotezë të anuluar, janë tre skenarë të hapur për të ardhmen e yllit argjentinas, i cili përfundon kontratën me PSG-në në fund të sezonit.
Dhe më shumë gjasa është se ai do ta rinovojë kontratën me parizienët. Pas refuzimit të ofertës së parë për të zgjatur lidhjen me francezët, drejtuesit e klubit poshtë Kullës Eifel po përgatisin një propozim i ri për të tentuar ta bindin kampionin e botës të qëndrojë edhe një sezon te PSG.
Në Katalonjë, ka shpresë që Messi të kthehet në Barcelonë, një tjetër mundësi që është në tavolinë, por më pak e mundshme. Pavarësisht se është idhull në klubin që ai përfaqësoi për 17 sezone, Barcelona vazhdon të ketë një kufi pagash. Kjo ishte arsyeja pse Messi u largua nga skuadra ‘Blaugrana’ dhe duket shumë e pamundur që ai të refuzojë të ulë vlerat derisa të jetë në përputhje me atë që Barcelona do të mund të paguajë.
Më në fund, ekziston ende mundësia që Messi të shkojë në MLS, kampionati kryesor i SHBA-së. David Beckham, pronar i Inter Miami, tashmë ka kontaktuar me argjentinasin, por në këtë pikë, por lojtari aktualisht preferon të qëndrojë në Evropë.
Discussion about this post