Drejtori sportiv i skuadrës së PSG, Leonardo ka kritikuar sërish Realin e Madridit për mënyrën sesi u sollën me Kilian Mbappen.
“Reali erdhi në javën e fundit të afatit veror dhe nisi bisedimet për njërin nga lojtarët më të mirë në botë, nuk na pëlqeu. Nuk e konsideruam se oferta ishte e mjaftueshme, ngase ishte më pak sesa paguam.
Oferta e Realit për Mbappe nuk ishte e mjaftueshme dhe nuk kishte oferta të tjera. Nuk e imagjinojmë të ardhmen pa të, nuk e shoh që largohet në fund të sezonit.
Mbappe përfaqëson shumë gjëra. Të gjithë e pëlqejnë atë. Lojtari është i madh. Dhe pastaj mendo Messi, Neymar dhe Mbappe. Kjo nuk është diçka për vetëm një vit. Është diçka që duam të kemi eksperiencë dhe do provojmë gjithçka”, deklaroi ai.
