Lëshonte certifikata false vaksinimi, vihet nën hetim mjekja në Lushnjë

Mjekja Elona Naço është vënë në ndjekje penale. Ajo jepte certifikata false Covid-19 kundrejt pagesës prej 50 euro.

Rasti u bë publik në një prej emisioneve investigative në vend, ku Naço i mori lekët një qytetareje e më pas e pajisi atë me certifikatën e vaksinimit për Covid-19. Policia njofton se ka bërë shoqërimin e infermieres në fjalë, ku tashmë ka nisur hetimi në lidhje me rastin në fjalë.

Elona Naço punonte si mjeke në qendrën shëndetësore të fshatit Gradishtë në Divjakë.

Uniformat blu bëjnë me dije se mjekja ka kryer veprat penale “Korrupsioni pasiv i personave që ushtrojnë funksione publike’’ dhe ‘’Shpërdorimi i detyrës”.