Në ditën e sotme në mediat greke ka qarkulluar një letër anonim, e cila i është dërguar prindërve të shqiptares Artemis, e cila u zhduk një vit më parë. Në letrën anonim thuhej se vajza mbahet peng nga disa kriminelë, pro është gjallë. Në lidhje me këtë çështje ka reaguar Babai i Artemis Vasilis, Jani, i cili në një studio televizive u bëri apel atyre që e dinë realisht çfarë ka ndodhur të flasin dhe të mos tallen me dhimbjen e familjes së tyre.
“Na telefonojnë edhe natë, thonë “shko në atë vend, do gjesh Artemisin”. I kërkoj të respektojnë dhimbjen tonë. Kjo që po kalojmë nuk duhet t’i ndodhë njeriu”, tha ai.
Në letër, personi anonim jepte koordinatat e një banesë ku sipas tij ishte mbajtur me forcë 19-vjeçarja shqiptare. Gjithashtu pretendon se burrat që e kanë marrë peng kanë vrarë dy persona, një burrë dhe një grua, duke dhënë koordinatat e varreve të tyre.
Pronari i banesës, ku sipas letrës kishte qëndruar Artemis, foli për emisionin “Dritë në Tunel”, ku u shpreh: “U befasova, kur më thanë se do bënin kërkime në shtëpinë time dhe u trondita kur mësova se bëhej fjalë për vajzën e zhdukur. Kanë kontrolluar gjithandej”, tregoi ai.
Discussion about this post