Drejtori i Policisë së Shtetit, Ardi Veliu e ka shkruar dorëheqjen përmes një letre, që është plot me gabime drejtshkrimore dhe pa vulë e kokë institucioni.
Letra ka vetëm datën dhe firmën e Veliut, por nuk i ngjan aspak një letre zyrtare siç i ka hije një institucioni shtetëror.
Letra e Veliut madje është shkruar me shumë gabime drejtshkrimore dhe pa shkronjën “ë”, duke i ngjasuar më shumë ndonjë letre mes miqsh, por jo dy zyrtarëve.
Nuk e dimë, nëse ky është komunikimi i zakonshëm mes Ramës dhe Veliut, apo ka qenë nxitimi i rastit i ish-drejtorit të Policisë, por ajo nuk i ngjason aspak një dokumenti zyrtar shtetëror. Duket sikur dorëheqja është shkruar dhe nisur me telefon.
Ja si duhet të ishte shkruar letra:
- Së pari nuk kërkohet dorëheqje, por ajo jepet.
- Së dyti, i gjithë teksti i letrës është shkruar pa shkronjën “ë”.
- Së treti, datat nuk shkruhen me viza të pjerrëta, por me pikë ndarëse.
- Fjala “sakrifikuar” është shkruar gabim.
- Duhet shkruar “në këtë moment” ose “në këto momente”.
- “Për t’u përkushtuar” duhet shkruar “për t’iu përkushtuar”.
- Gabon trajtën e shkurtër: “Të cilëve ju kam munguar” duhet “u kam munguar”.
- Kryeministrit i drejtohemi me “Ju”.
- Koha e ardhme formohet me “do të”.
- “Kurajon” duhet shkruar “kurajën” /gijotina.com/
