Polonia zhvilloi ditën e sotme konferencën për shtyp në vigjilje të sfidës ndaj kombëtares së Shqipërisë e vlefshme për eliminatoret e kampionatit botëror “Katar 2022”. Në konferencë u shfaq ylli i kombëtares polake Robert Levandovski i cili vlerësoi në maksimum Shqipërinë duke vendosur në dukje cilësitë në prapavijë.
‘’Janë shumë ndeshje të rëndësishme për ne përpara, nëse duam të avancojmë duhet të grumbullojmë pikë. Ne nuk mund të kualifikohemi pa kaluar këto ndeshje më parë, ndeshja e radhës është me Shqipërinë.
Duhet të jemi të qetë gjatë ndeshjes me Shqipërinë, duhet të luajmë topin shpejt. Nuk do të kemi shumë hapësira në fazën e sulmit. Duhet të kërkojmë për mundësi, për zona të lira. Gjithçka do të varet nga lëvizjet pa top dhe kërkimi i hapësirave të lira’’, u shpreh Levandovski.
