Kombëtarja e Polonisë zbarkon të martën e ardhshme në “Air Albania” ku do të përballen me Shqipërinë, një sfidë vendimtare për fatet e të dyja skuadrave. Sulmuesi Robert Levandovski ka paralajmëruar lojtarët e tij të tregohen të kujdesshëm ndaj kuqezinjve.
“Duke parë ndeshjen tonë të parë, u kemi lejuar atyre shumë territor. Duhet të fokusohemi në maksimum dhe të shohim gabimet që bëmë në ndeshjen e parë me ta. Shqipëria ka shumë lojtarë të rëndësishëm e të njohur në Europë dhe duhet t’i respektojmë.
Nëse dëshirojmë që të shkojmë në ‘play off’, duhet të fitojmë patjetër me Shqipërinë. Gjërat varen nga ne, e kemi vetë fatin në dorë dhe të mos presim rezultatet e rivalëve të tjerë”, tha Levandovski.
