Ditën e sotme në Zyrih të Zvicrës, u mbajt ceremonia madhështore e “FIFA The Best”. Mesi, Levandovski e Salah ishin finalistët, ku polaku Robert Levandovski u zgjodh “Lojtari i Vitit”.
Sulmuesi i Bajernit mundi në këtë garë Leon Mesin dhe Momo Salahun.
Futbollistja e Barcelonës, Aleksia Putelas fitoi çmimin si “Futbollistja më e Mirë”. Ajo u bë spanjollja e parë në histori që fiton këtë çmim.
Trajneri i Çelsit, Tomas Tuhel është shpallur “Trajneri i Vitit”. Gjermani mundi në këtë garë Roberto Mançinin dhe Pep Guardiolën.
Stafi i Danimarkës mori çmimin “Fair Play”, për shkak se vepruan në kohën e duhur duke i shpëtuar jetën mesfushorit Kristian Eriksen. Ndërhyrja e tyre në Europian evitoi tragjedinë.
Erik Lamela fiton çmimin “Pushkas” për golin më të bukur. Lojtari i Totenhemit e mori këtë çmim për golin me finte kundër Arsenalit.
Eduard Mendi është shpallur “Portieri i Vitit”. Gardiani i Çelsit mundi në këtë garë Donarumën dhe Nojerin. Sezonin e kaluar ai fitoi Champions-in me Çelsin.
Kristinë Sinkel mori “Çmimin Special”, një nderim që jepet për motive të veçanta dhe kontribut shumë të madh si brenda, por dhe jashtë fushe. 38 vjeçarja luan për në Kanada për Portland dhe u shpreh shumë e emocionuar për këtë arritje.
Discussion about this post