Stuttgart-Leverkusen ishte ndeshja e fundit përmbyllëse e javës së 26-të në Bundesligë. Në sfidën e luajtur në “MHPArena” në Stuttgart, u shënuan plot 7 gola, duke e bërë një ndeshje vërtet shumë të bukur.
Demirovic hapi serinë e golave për vendasit në minutën e 15-të, me rezultatin 1-0 u mbyll pjesa e parë. ëoltemade dyfishon shifrat për Stuttgart me golin e tij në fillim të pjesës së dytë. Në minutën e 56-të, Frimpong ngushton shifrat për Leverkusen.
Në minutën e 62-të, Granit Xhaka i pafat do të dërgonte topin në rrjetën e tij, ku topi i kthyer mbrapsht nga pritja e parë e portierit të Leverkusen kthehet mbrapsht dhe përplaset në trupin e shqiptarit dhe përfundon në portë.
Pavarësisht rezultatit 3-1, “Aspirinat” e drejtuar nga Xabi Alonso nuk u dorëzuan. Në minutën e 68-të, ata shënuan golin e dytë me anë të Hincapie, pas një topi të ardhur nga goditja e këndit. Përmbysja e madhe e Leverkusen erdhi në minutat e fundit.
Në minutën e 88-te, goditja e Boniface do të devijohej në portën e tij nga Stiller. Në minutën e katërt shtesë, një asist i mrekullueshëm i Frimpong për Patrick Schick, i cili e dërgon me kokë në rrjetë. Një përmbysje e jashtëzakonshme e Leverkusen, e cila tani ngushton diferëncën në 6 pikë nga Bayern i vendit të parë.
Discussion about this post