Ish-presidenti Bujar Nishani ka deklaruar se janë mbledhur dyfishi firmave që duhen për të thirrur Kuvendin Kombëtar të PD.
Nishani thotë se në takimet e ish-kryeministrit Sali Berisha me demokratët janë mbledhur mbi 3 mijë firma të delegatëve të Kuvendit Kombëtar.
Sipas tij, 80% e anëtarësisë së PD duan ndryshim në këtë parti.
“Ka një angazhim masiv, pra nuk ka një ndarje të qëndrimeve 50% me 50% apo 40% me 60%. Po ua them unë sot, kërkesa për thirrjen e referendumit sot është janë bërë dyfishi i kërkesë që, ajo e 1500. Janë më shumë se 3 mijë dhe ka një dyndje. Ka një masivitet mbi 80% të anëtarësisë së PD që duan të nisin një proces ndryshe në PD. Vullneti politik përcakton dhe aktet e tjera politike”,-tha Nishani.
Më herët, lideri historik i PD, Sali Berisha ka deklaruar se pas mbledhjes së 1500 firmave do të mbledh Kuvendin Kombëtar dhe më pas do të kërkojë një referendum brenda PD pas përjashtimit të tij nga grupi parlamentar nga kreu i PD, Luzlim Basha.
