Ish-deputeti i Partisë Demokratike dhe pedagogu, Mark Marku i ftuar në ‘Opinion’ ka analizuara situatën brenda PD-së.
Ai gjithashtu tha se përplasja që po ndodh në PD nuk i intereson askujt. Sipas tij lëvizja e Berishës nuk ka asnjë tezë, por po bëhet për interesa personale.
“Kjo lëvizje nuk është për PD-në dhe ardhjen e saj në pushtet, kjo është për pushtet personal. Një nga problemet e lëvizjes së Berishës, nuk ka asnjë tezë deri tani përveç një kërkese që të hiqet Basha, një tezë se si të ndryshojë PD.
E para Basha me gjithë Berishën dhe ata që pasojnë Berishën e zgjodhën para dy muajsh pa e kontestuar. Unë kam hedh idenë që ky Kongres mos konsiderohet kongres normal, por të themelohet një grup për hedhjen e tezave të reja. Nguti në këtë rast është i Berishës” – tha Marku.
