Lëvizja për Universitetin ka protestuar ditën e sotme për ngacmimet e vajzave në Qytetin Studenti. Të rinjtë ngritën shqetësimin se studentet bien pre e ngacmimeve seksuale, ndërsa institucionet përgjegjëse, sipas tyre, nuk reagojnë.
“Ne studentët e Qytetit të Studentit përballemi çdo ditë me ngacmime seksuale, madje edhe përndjekje. Sot është momenti ti kërkojmë llogari Drejtorisë së Policisë dhe Rajonit. Për faktin se në orët e vona nuk siguron mbrojtje për vajzat”, thanë ata.
Ata u shprehën se përveçse përballen me mungesën e kushteve në konvikte, u duhet të përballen edhe me ngacmimet në rrugë.
“Përveç se durojmë, jetojmë në godina të amortizuara, me mungesë shtretërish, ngrohjeje, ujë dhe hapësirash. Ne duhet të përballemi çdo ditë me rrezikun, se dikush i panjohur, të na ndalojë në rrugë”, thanë ata.
Në shenjë proteste, të rinjtë shënuan mesazhin e tyre në muret e Drejtorisë së konvikteve.
Discussion about this post