Arbër Zaimi nga partia Vetëvendosje, tha sot gjatë një interviste televizive se hyrjen e Shqipërisë në BE e pengon mungesa e përkushtimit për të plotësuar standardet.
Sipas tij, ndryshe nga Kosova, Shqipëria nuk ka ndonjë pengesë tjetër të madhe.
“Në rastin me Kosovës, është përballja me Serbinë ajo që kërkon negocim në Bruksel. Ndërsa sa i takon Shqipërisë, ka nevojë për përkushtim lidhur me përparimin e standardeve të demokracisë apo funksionalizimit të drejtësisë. Mungesa e këtij përkushtimi, çon në teatralitet dhe një gjë e tillë pastaj mban spektatorët e mbërthyer edhe me anë të dhunës. Këtu ndërkombëtarët pastaj ndërhyjnë si arbitra për ta ndalur këtë dhunë”, tha Zaimi, ndërsa shtoi se në Shqipëri as opozita nuk po luan rolin që i takon.
