5 krerët e njësive administrative Sukth, Ishëm, Manëz, Rrashbull dhe Katund i Ri në Durrës janë larguar nga detyra ditën e djeshme.
Burime bëjnë me dije se kryetarja e Bashkisë Durrës, Emiriana Sako, ka pranuar dorëheqjen e tyre rreth dy muaj pas valës së dorëheqjeve masive të drejtorëve në bashki dhe drejtuesve të ish-komunave të Durrësit.
Pritet që në orët në vijim të miratohen edhe dorëheqje të tjera në nivel drejtorësh në Bashkinë e Durrësit.
Deri tani mësohet se u është pranuar dorëheqja Kadri Gjylit në Ishëm, Edlir Cërrit në Sukth, Eltion Prenit në Katund të Ri, Albert Bukaçit të Rrashbullit dhe Muharrem Sulës në Manëz. Burime bëjnë me dije se deri tani janë emëruar 4 prej administratorëve të rinj, po ende jo ai i Sukthit.
Sipas informacioneve të deritanishme, mësohet se Emirian Bafti, është emëruar administratori i ri i Ishmit. Redi Shehu emërohet në Manëz dhe Fiqiri Dema në Rrashbull.
Discussion about this post