Policia e Shtetit ka zyrtarizuar disa ndryshime të rëndësishme në strukturat drejtuese, që përfshijnë emërime të reja në nivelet më të larta të drejtimit të saj.
Altin Qato është larguar nga posti i Drejtorit të Përgjithshëm të Policisë Rrugore. Në vend të tij është emëruar Perlat Vatoci, i cili do të marrë drejtimin e këtij sektori të rëndësishëm, në një kohë kur menaxhimi i qarkullimit dhe sigurisë rrugore është kthyer në një sfidë të përhershme.
Ndërkohë, pas largimit të Rebani Jaupit nga drejtimi i Departamentit për Rendin dhe Sigurinë Publike në Policinë e Shtetit, është vendosur që në këtë post të emërohet Dhimitraq Ziu. Ky i fundit do të marrë zyrtarisht detyrën më datë 17 tetor.
Burime nga Policia e Shtetit bëjnë me dije se këto lëvizje janë pjesë e një riorganizimi të brendshëm për të rritur efikasitetin dhe për të përballuar më mirë sfidat e sigurisë publike dhe menaxhimit të rendit në vend.
-Altin Qato nga Drejtor i Policisë Rrugore u emërua petagog në Akademinë e Sigurisë.
-Perlat Vatoci nga Këshilltar i Drejtorit u emërua Drejtor I Policisë Rrugore.
-Arbër Zemani nga Shef i Sektorit të Narkotikëve në DVP Tiranë u emëruar Drejtor i Drejtorisë Rajonale të Kufirit Shkoder.
-Adrit Elmazi nga Drejtor i Drejtorisë Rajonale të Kufirit Shkodër u emërua në DPPSH, Specialist te Drejtoria Strategjike
Discussion about this post