Deputetja demokrate Ina Zhupa u shpreh pasditen e sotme se opozita do të bëjë lëvizje surprizë në Kuvend, nëse nga mazhoranca socialiste e Kryeministrit Edi Rama nuk do të ketë reflektim.
Në një intervistë për emisionin “Kjo Javë”, Zupa tha se opozita do të ruajë elementin surprizë, ndërsa shtoi se një gjë është e sigurt, që as garda dhe as policia nuk do e trembë apo tërheq pas opozitën.
“Ne do të ruajmë elementin surprizë, por një gjë është e sigurt, as garda e as policia, ne nuk ka tremb e as nuk na bën të tërhiqemi.
Ne nuk kemi përjashtuar asnjë skenar brenda rregullave demokratike. Ne s’kemi asgjë antidemokratike lidhur me dhunën, mjetet janë demokratike. Ne nuk do të lëmë mandatet dhe të bojkotojmë duke lënë rehat Ramën.
Greva nuk është përjashtuar si skenar po ashtu. Një tjetër formë proteste është ‘sitting’”, tha Zhupa.
Në vijim, Zupa akuzoi Kryeministrin Edi Rama për ccdo situatë të krijuar, pasi sipas saj, asgjë nuk ndodh pa vullnetin dhe miratimin e tij.
“Asgjë nuk ndodh pa vullnetin dhe miratimin e Ramës. Trajtimi i Kuvendit si selia e PS-së. Deputetët e PS-së do duhet të respektojnë protestën tonë dhe të presin që Rama dhe Nikolla të reagojnë për këtë protestë që është e drejtë dhe minimaliste.
Janë vetëm 3 kërkesa. Kuvendi ka dy mekanizma, ligjvënien dhe kontrollin si pushtet”, tha deputetja.
Discussion about this post