Policia e Tropojës ka arrestuar 3 persona, pasi qarkullonin me rreth 8 kilogramë kanabis dhe armë zjarri në automjet. Në pranga kanë rënë, Ersid Gjonaj, 24 vjeç, banues në Geghysen, Tropojë, Fran Sokoli 34 vjeç, banues në Bugjon, Pukë dhe Elisjon Memaj, 22 vjeç, banues në Fierzë, Tropojë.
Këta persona u kapën në flagrancë nga shërbimet e Policisë, në vendin e quajtur “Ura e Drinit”, Fierzë, duke udhëtuar me automjetin tip “Mitsubish”, në të cilin, gjatë kontrollit, shërbimet e Policisë gjetën rreth 8 kilogramë lëndë të dyshuar narkotike kanabis, 1 armë zjarri automatik, si dhe një karikator me 30 fishekë, të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Tropojë, për veprat penale “Prodhimi dhe shitja e narkotikëve” dhe “Mbajtja pa leje e armëve, armëve shpërthyese dhe i municionit”.
Discussion about this post