Lëviznin me fara, vaj kanabisi dhe pistoletë, policia arreston dy të rinjtë në Tiranë

Policia e Tiranës ka arrestuar të rinj, Bejtulla Fusha, 25 vjeç dhe Elvis Baqoshi, 30 vjeç, të banues në Zall Herr, pasi janë kapur me bimë narkotike. Policia ka lokalizuar mbrëmjen e djeshme, në aksin rrugor Tapizë-Kamzë, automjetin me drejtues Elvis Baqoshi dhe pasagjer Bejtulla Fusha.

Gjatë kontrollit të automjetit u gjetën dhe u sekuestruan, në cilësinë e provës materiale, një kavanoz qelqi brenda të cilit kishte një lëng viskoz të dyshuar si ekstrakt vajor cannabis sativa, rreth 300 fara të dyshuara si ato të bimës narkotike cannabis sativa dhe një armë zjarri pistoletë.

Materialet i kaluan Prokurorisë, për veprime të mëtejshme.