Dy shqiptarë me banim në Bellaria Igea Marina u arrestuan nga policia italiane, pasi posedonin sasi të mëdha droge për shitje. Sanmarinortv shkruan se gjatë kontrollit, njërit prej tyre iu gjetën dy mbështjellës: njëra me 2,08 gramë dhe tjetra 2,58 gramë kokainë.
Pasi karabinierët i kontrolluan shtëpinë, në papafingo shqiptari kishte fshehur një thes që përmbante 5.4 kilogramë marihuanë së bashku me gjithçka që nevojitet për paketim, një peshore precize dhe gati 12 mijë euro para në dorë.
Shoku i dhomës i të akuzuarit, i cili ka mbërritur gjatë hetimeve, nuk ka dhënë informacion të besueshëm për drogën e gjetur në shtëpi.
Për këtë arsye, kontrolli është shtrirë edhe në makinën e personit të dytë , në të cilën janë gjetur disa qese plastike dhe një makinë vakum. Si pasojë, dy shtetasit shqiptarë, tashmë ndodhen në burgun e Rimini në pritje të gjykimit të vlefshmërisë.
Discussion about this post