Lëvizte me armë dhe drogë, arrestohet ish-lojtari i klubit të La Ligas

Ish-lojtari i Real Mallorca, Bryan Reyna ka rënë në prangat e policisë peruane pasi akuzohet për mbajtje armë pa leje dhe për drogë.

Ai ndodhet në paraburgim dhe sipas ‘Libero media’ mësohet se të mërkurën Reyna ishte tërhequr nga policia në makinën e tij së bashku me një shok të ekipit dhe më pas iu gjetën në makinë arma dhe droga.

“U gjet një armë zjarri e zezë e markës Browning, model CZ-83, Caliber 9, me mbishkrime Made in Czech Republic, pa numër serial, e pajisur me një karikator prej 12 predhash municioni”,- thuhet në raport pas njoftimit të policisë.

Rikujtojmë që Reyna ka qenë pjesë e Academia Deportiva Cantolao në Peru, pasi kontrata e tij me Real Mallorca u anulua në janar 2021. Klubi spanjoll e la lojtarin si agjent të lirë pas shkeljes së rregullave të klubit nga ana e lojtarit./K.T/Gijotina.com