Lëvizte me armë, kapet amerikani në Korçë

Një 30- vjeçar amerikan ka rënë sot në pranga nga policia e Korçës. Bëhet me dije se, i riu lëvizte në rrugë me armë të ftohtë, duke u kthyer në kërcënim për qytetarët.

Pas denoncimit të banorëve,  policia bëri arrestimin në flagrancë të shtetasit amerikan F. B., 30 vjeç, banues në lagjen nr. 3, Korçë, pasi gjatë kontrollit fizik të ushtruar këtij shtetasi në afërsi të një resorti në malin e Moravës, Korçë, ju gjet​ e sekuestrua në cilësinë e provës materiale një mjet prerës (thikë).

Materialet i kaluan Prokurorisë së Rrethit Gjyqësor Korçë për veprën penale “Prodhimi, mbajtja, blerja apo shitja pa leje e armëve të ftohta”.