Lëvizte me armë në makinë, arrestohet 35 vjeçari në Vlorë

Policia ka arrestuar një 35-vjeçar në Vlorë, të cilit shërbimet e Forcës së Posaçme ‘Shqiponja’, i kanë gjetur në mjet një armë zjarri pistoletë.

Autorizimin për mbajtjen e armës, 35-vjeçari e kishte, por vetëm për mbajtje në banesë.

Njoftimi

Komisariati i Policisë Vlorë arrestoi shtetasin F. S., 35 vjeç, banues në Vlorë, pasi ditën e djeshme është konstatuar nga shërbimet e Forcës së Posaçme “Shqiponja,” duke lëvizur në automjet me një armë zjarri pistoletë, për të cilën posedonte autorizim vetëm për mbajtje në banesë.