Këngëtari i mirënjohur, Butrint Imeri duket se ka shkelur rregullat e qarkullimit rrugor mbrëmjen e së shtunës në Tiranë. Mësohet se artisti ka tejkaluar normat e lejuara të shpejtësisë në një zonë të banuar në qytet në orët e vona, dhe për këtë shkak policia e Tiranës e ka gjobitur këngëtarin me shumën prej 60 mijë lekësh.
Gjithashtu, bëhet me dije se këngëtari makinën e kishte të veshur me xhama të zinj dhe pa leje qarkullimi.
Kujtojmë se, Imeri ka publikuar disa ditë më parë në rrjetin e tij social Instagram fillimisht foton e një çifti në momente intime. Ndonëse ai nuk e zbuloi fytyrën e asnjërit, ka të ngjarë që të jetë thjeshtë një foto e marrë nga Interneti.
Më pas Butrinti ka publikuar foton e Jack dhe Rose pa asnjë koment. Nuk dihet arsyeja se pse Butrinti u bë papritur kaq romantik por në mediat sociale nisën aludimet. Nuk përjashtohen mundësitë që përmes këtyre fotove, Butrinti të jetë duke paralajmëruar këngën e re.
Discussion about this post