Lewis Hamilton tërhiqet nga Formula 1?

Lewis Hamilton mund të largohet nga garat e Formula 1, pas zhgënjimit të madh në sezonin e fundit. Piloti i Mercedes ishte shumë pranë titullit kampion, por në xhiron e fundit të garës së Abu Dhabi e humbi vendin e parë dhe Max Verstappen u kurorëzua kampion për të parën herë.

Duke folur për këtë ngjarje ish-presidenti i F1, Bernie Ecclestone, u shpreh për ‘Blick’ se me shumë siguri britaniku do të tërhiqet nga garat pas këtij kampionati.

“Zhgënjimi i tij është shumë i madh. Unë nuk mendoj se ai do të rikthehet të garojë më në Formula 1. Para disa ditësh fola me babanë e tij. Ai më tha menjëherë se nuk do t’u përgjigjej pyetjeve për të ardhmen e djalit të tij. Kështu folëm vetëm për biznes”,- u shpreh ai.

Rikujtojmë se Hamilton humbi titullin e tetë kampion bote në garën e Abu Dhabi dhe atë trofe e mori për herë të parë Verstappen./K.T/Gijotina.com