Moti i keq me reshje shiu dhe erë të fortë ka sjellë probleme në Lezhë. Një pemë është rrëzuar pranë bllokut të banimit 11.2 hektarë në lagjen “Besëlidhja”, por fatmirësisht pa sjellë dëme.
Punonjësit e shërbimeve publike në bashkinë Lezhë kanë nisur punën për largimin e pemës nga rruga.
Ndërkohë era e fortë ka sjellë dhe dëmtim të linjave elektrike në fshatra dhe që prej mbrëmjes së të enjtes grupet e punës së OSHEE po punojnë për riparimin e defekteve dhe rikthimin e energjisë atje ku mungon.
Ndërkohë, reshjet e shiut që kanë rënë në 24 orët e fundit në vendin tonë kanë shkaktuar probleme edhe në Gjirokastër, ku një segmetnt i rrugës Kolonjë-Golem është i bllokuar.
Rruga është blokuar nga inertet për shkak të reshjeve të shiut që vazhdojnë të bien (me intesitet të ulët) Njësia Administrative po organizon punën për kthimin e rrugës në normalitet.
Edhe në fshatin Lekdush Njësia Administrative Kurvelesh, bashkia Tepelenë mungon energjia elektrike, që prej mbrëmjes së djeshme.
Edhe në Tiranë është krijuar kaos dhe trafik në akset rrugore për shkak të motit të keq dhe reshjeve të dendura të shiut, duke paralizuar kështu trafikun.
