Kontrollet blic në Lezhë kanë vënë në pranga dy të rinj të cilët akuzohen për armëmbajtje pa leje dhe trafik droge në doza të vogla. Policia njofton se bëhet fjalë konkretisht për të arrestuarin me iniciale A. M., i cili është kapur në vendin e quajtur “Rrethrrotullimi i Shëngjinit” duke udhëtuar me një mjeti tip “Range Rover”.
Poashtu blutë bëjnë me dije se gjatë kontrollit të ushtruar në automjetin e tij është gjetur dhe sekuestruar në cilësinë e provës materiale një armë zjarri pistoletë, më krehër me 7 fishekë.
Pritet që i arrestuari të përballet me akuzën për veprën penale “Mbajtja pa leje e armëve, armëve shpërthyese dhe e municionit”.
Uniformat blu gjatë kontrolleve blic kanë vënë në pranga edhe të riun e identifikuar me iniciale A.D.,19 vjeç, banues në Lezhë pasi është ndaluar nga shërbimet e Policisë Rrugore, në fshatin Pllanë, Lezhë dhe gjatë kontrollit të ushtruar në mjetin motor i janë gjetur dhe sekuestruar në cilësinë e provës materiale doza me lëndë narkotike të dyshuar cannabis sativa. / A.L gijotina. com /
