Një aksident i rëndë ndodhi ditën e djeshme në Tresh të Lezhës. Një mjet u fut në brendësi të një lokali duke goditur një qytetar i cili ishte ulur në lokal dhe po konsumonte kafen e mëngjesit.
Aksidenti i pazakontë u regjistrua rreth orës 9:00 në rrugën e vjetër nacionale Lezhë-Milot, pranë fshatit Tresh. është zbuluar se mjetin “Volkswagen” po e drejtonte një mësuese, e cila humbi kontrollin dhe përfundoi në ambientet e lokalit.
Mësuesja, e cila sapo ishte pajisur me leje drejtimi, i kishte marrë automjetin një kolegut të saj dhe sapo ka dalë në rrugë, ka humbur kontrollin e makinës, në të cilën udhëtonin dhe persona të tjerë si pasagjerë. Drejtuesja e automjetit u shoqërua në polici, ku dha sqarimet e saj rreth ngjarjes e më pas u la e lirë.
Discussion about this post