Ministri i jashtëm i Serbisë Ivica Daçiç deklaroi se shteti i tij do të donte që në Kosovë të liberalizoheshin vizat. Ai shtoi se nëse ndodh kjo, gjysma e qytetarëve menjëherë do ta braktisnin vendin.
Shefi i diplomacisë serbe në një deklaratë për media, së fundmi ka thënë se Serbia aspak nuk paraqet problem për liberalizimin e vizave për qytetarët e Kosovës.
“Ne pajtohemi me këtë, por nuk po pranon Bashkimi Evropian. Por, pse nuk duan t’ua japin liberalizimin e vizave? Sepse e dinë që nëse e bëjnë këtë, gjysma e qytetarëve menjëherë do të shkonin në Bashkimin Evropian. Dhe, unë do të ndihmoja këtu”, ka thënë Daçiç.
Këtë deklaratë të Daçiçit e ka publikuar anëtari i kryesisë së Partisë Socialiste në Serbi, Boris Miliçeviç, që është ndihmës i ministrit për të drejtat e njeriut e të pakicave dhe dialogun shoqëror në Qeverinë e Serbisë.
Se e do Kosovën pa shqiptarë, njësoj sikurse shefi i tij në parti e pushtet Sllobodan Millosheviçi në vitet ’90-ta kur ushtria e policia serbe vrau mbi 10 mijë e dëboi mbi një milion shqiptarë nga Kosova, Daçiç e tha edhe në vitin 2019, kur ishte ministër i Jashtëm, duke thënë se Serbia është pro që Kosovës t’i jepet liberalizimi i vizave, në mënyrë që shqiptarët ta braktisin vendin e tyre.
#Srbija uopšte nije problem za viznu liberalizaciju za građane Kosova. Mi se slažemo s tim, ali ne da #EU. A zašto neće da daju viznu liberalizaciju? Jer, znaju kada bi to uradili pola građana bi odmah otišlo u EU.
I, ja bih tu pomogao. #Kosovo #eu #ivicadacic @socijalisti pic.twitter.com/toAJkBqK31
— Boris Milićević (@bvjmilicevic) November 2, 2022
Discussion about this post